Sut rydym ni’n cael ein hariannu
Caiff prosiect Cenedl Hyblyg ei
gyflawni trwy ddefnyddio Cronfeydd Strwythurol Ewropeaidd, ac arian cyfatebol wedi’i dargedu gan Lywodraeth Cymru
Ariennir y prosiect am ei fod yn datblygu ‘cydraddoldeb rhywiol mewn cyflogaeth’, sef Trydedd Thema Trydedd Blaenoriaeth Cronfa Gymdeithasol Ewrop
Bydd y prosiect Cenedl Hyblyg yn darparu gwerth £12.5 miliwn o wasanaethau gan ddefnyddio arian yr ESF a Llywodraeth Cymru
Beth yw Cronfeydd Strwythurol Ewropeaidd?
Cronfeydd Strwythurol Ewropeaidd yw’r arian sydd ar gael i aelod-wladwriaethau’r UE, er mwyn helpu’r gwladwriaethau hyn i hybu cynhyrchiant economaidd, creu swyddi cynaliadwy ac annog twf.
Bydd y swm o arian sydd ar gael yn dibynnu ar ffyniant cymharol yr aelod-wladwriaeth, ac fel arfer, mae’r Cronfeydd Strwythurol Economaidd yn targedu’r rhanbarthau sydd â ffyniant economaidd a chyfoeth cymharol is na chyfartaledd Ewrop
Caiff y Cronfeydd Strwythurol Economaidd eu dyfarnu mewn rowndiau sy’n para saith mlynedd. Mae Cenedl Hyblyg yn rhan o raglen 2007 i 2013
Sut mae’r Cronfeydd Strwythurol yn gweithio yng Nghymru?
Yng Nghymru, caiff yr holl Gronfeydd Strwythurol Ewropeaidd eu rheoli gan Swyddfa Cyllid Ewropeaidd Cymru (WEFO). Mae WEFO’n rhan o Lywodraeth Cymru, ac yn gyfrifol am ddyfarnu arian a goruchwylio a gwerthuso gwerth £3.8 biliwn o brosiectau.
Mae rhaglen 2007 i 2013 yn canolbwyntio ar greu swyddi cynaliadwy a thwf, er mwyn sicrhau manteision i bobl, busnesau, cymunedau ac amgylchedd Cymru
Yn ystod cyfnod y rhaglen, sef 2007–2013, gall Cymru gael cymorth gan y Cronfeydd Strwythurol Ewropeaidd am dair math o raglen:
- Cydgyfeirio ledled Gorllewin Cymru a’r Cymoedd
- Cystadleurwydd a chyflogaeth ranbarthol ledled Dwyrain Cymru
- Cydweithredu tiriogaethol, gan gynnwys rhaglen drawsffiniol Cymru-Iwerddon
Ariennir Cenedl Hyblyg fel rhan o’r rhaglen Gydgyfeirio.
Cronfa Gymdeithasol Ewrop
Mae Cronfa Gymdeithasol Ewrop yn darparu arian i brosiectau sy’n ceisio codi lefel sgiliau gweithlu Cymru. Mae rhai prosiectau yn gweithio gyda phobl sy’n ddi-waith ar hyn o bryd, neu y mae eu swyddi wedi’u dileu.
Mae rhai prosiectau yn gweithio gyda phobl sydd â swydd eisoes ond a fyddai’n elwa ar gael sgiliau newydd i’w helpu i gael swydd fwy gynaliadwy sy’n talu’n well.
Mae Cenedl Hyblyg yn gweithio gyda menywod a chyflogwyr i helpu i gynyddu gwybodaeth, sgiliau a chynaliadwyedd busnesau Cymru a’r bobl sy’n gweithio iddynt.
